Ես մշակոյթի ոստիկան եմ. Ստեփան Փարթամեան

Ես մշակոյթի ոստիկան եմ. Ստեփան Փարթամեան

Սեպտեմբերի 6, 2019

Անի Զէյթունցեան
Ռատիօ Լուր

Հաղորդավար, բեմադրիչ Ստեփան Փարթամեան, որ 24  տարի աշխատած է Ամերիկայի մէջ, որպէս հաղորդավար և վարած է «Բարի Լոյս» հաղորդաշարը, յայտնի է իր ծայրայեղ լրագրողական կերպարով, որոշած է տեղափոխուիլ Հայաստան:

Համացանացային մեծ ճանաչում ունեցող հիւրս մեր զրոյցն այսպէս սկսաւ. «Հանրաճանաչ ըլլալը ուզած բանս չէ.. քանի որ է, ես կը վայելեմ» :Ան չի հաւատար պիտակներուն, որ մարդ արարած ստեղծած է զանազանելու իրարմէ «Մարդ մարդ է»,-ըսաւ ան:

Ստեփան Փարթամեան կը նշէ, որ չէ եկած Հայաստան այլ վերադարձած է: Հայաստան հասկացողութիւնը՝ իրեն համար  այն հողաշերտն է, որ մեր նախնիները իրաւունք ունէին ապրելու, թէկուզ այդ տարածքը այսօր գոյութիւն չունի, բայց երկրագունդի վրայ կայ պզտիկ կտոր մը, որ կը կոչուի Հայաստան:

Ան վերադարձած է, ոչ թէ մղուելով հայրենասիրութենէ, այլ եսասիրութեան պատճառով, եկած է իր հանգիստին համար:

Այստեղ ըլլալս հայ երիտասարդի աչքը բանալն է, դէպի հայու ինքնութիւն:

Ես մշակոյթի ոստիկան եմ: «Քաղաքակրթութիւնը երկրագունդի վրայ միշտ փոխարինող է, բայց մշակոյթը չի կրնար փոխարինուիլ»,-կ՛ըսէ զրուցակիցս:

Խօսակցական հայերէնին մէջ օտարաբանութիւններու գործածութիւնը և օտար բառերը հայատառ գրելը մեր ազգի մեծագոյն թշնամիներն են , մշակոյթը եթէ կորսնցնենք, ապա կը դառնանք կորսուած ազգ:

Օրինակ՝ ըսենք ընկերակցութիւն և ոչ ասոցիացիա, կամ ճենօլայվ-ին տեղ ցեղապրում բառը , ինք այստեղ այս առնչութեամբ լուրջ աշխատանք կ՛ուզէ տանիլ:

Հայու արիւնը ուրիշ է, ստեղծագործող և հզօր ենք: «Մենք անհատական գետնի վրայ հզօր ենք , բայց երկրագունդի վրայ ամէնէն տկար ազգն ենք: Հայ անհատի  տեսակը փաստուած է DNA-ով ,ամէնէն հին  DNA -ն է, որ մոլորակի առաջ գիտելիքի  փոխանցողներն ենք». Ստեփան կը շեշտէ հայու ունեցած մեծ ներդրումներու մասին աշխարհին հանդէպ, այդ մասին կը պատմեն իր գիրքերը:

Ստեփան որոշած է հաստաուիլ Հայաստան և հիմնել «Ցեղապրումի Կեդրոն»-ը, բացումը կը նախատեսէ Ապրիլ 24-ին 20-20 թուականին: Որտեղ պիտի ցուցադրուին  Ցեղասպանութենէն ետք հայ ժողովուրդի կրթութեան և նուրիումի տուեալները երկրագունդին հանդէպ, որ հայն իր գիտելիքով  աշխարհի 7,5 միլիարդին օգտակար եղած է , հարկաւոր է մեր ապագայ սերունդին փոխանցել այդ հպարտութիւնը:

Պէտք է հայը դադրի ստրուկ հոգեբանութենէն և վերադառնայ իր հզօր կարողութեան, որ մեզմէ խլուած է 2000 տարի առաջ, այսպէս Ստեփան երկար մտածել կուտայ զինք լսողին:

Ստեփան կը շեշտէ, որ Հայաստան մշակութային յեղափոխութեան կարիքն ունի: